Hər ay "Lö Netvörkinq" görüşü ilə sosiallaşırıq
Artıq 3 ildir ki, təlim və marafonlara qoşulan hər kəs eyni zamanda qızların oxumasına dəstək olur. İndi bu təşəbbüsü bir az da genişləndirir və ayrılan məbləği "Lö Ümid" təqaüdü ilə qızların təhsilinə, "Lö Qırmızı Ürək" ianəsi adı altında uşaqların psixoloji dəstək almasına yönləndirəcəyimizi bildirmək istəyirəm. Kiçik, ancaq davamlı addımlarla böyük yolların aşılacağına inanırıq.
Bu günə qədər Le Həşimin keçirdiyi təlim və marafonlara edilən ödənişin 10%-i iştirakçıların adından "Qızlar Oxusun" platforması vasitəsi ilə qızların oxumasına ianə edilirdi. İndi isə ödənişin 15%-i "Lö Ümid" təqaüdü adı altında yığılacaq və il ərzində təqaüdə müraciət edən şəxslər arasından seçilənlərə ayrılacaq.
Təlim və marafonlara qoşulanlar sadəcə özlərinin təhsil və inkişaflarına yatırım etməklə qalmayacaq, başqalarına da "Lö Ümid" olacaq.
Danışacaq, ürəyimizi qorxmadan açacaq birinin olması hər yaş üçün ən vacib şeylərdəndir. Ancaq uşaqlığımızda bu ehtiyacın ödənməməsi gələcək həyatımıza düşündüyümüzdən çox təsir edir. Elə buna görə də "Lö Qırmızı Ürək" sosial layihəsi ilə uşaqların narahatlıq və qorxularını peşəkar biri ilə danışmasına şərait yaratmağı və bu dövrü ən yaxşı formada keçirməsinə dəstək olmağı hədəfləyirik.
19.02.2025-ci il tarixindən "Le.Hashim" adı altında bütün sosial media hesablarımdan qazandığım məbləğin 10%-ni "Lö Qırmızı Ürək" sosial layihəsinə ayıracaq və psixoloji dəstəyə ehtiyacı olan uşaqların sağlamlıqlarına ianə edəcəyəm.
©2024. Bütün hüquqlar qorunur.
#oldusağolun
