Hər ay "Lö Netvörkinq" görüşü ilə sosiallaşırıq
1996-cı ildə Balakəndə doğulub universitetə qəbul olanadək orada yaşamışam. Hələ uşaqlıqdan biznesə marağım var və evdə kafe, avto yuma, alışqanlar üçün qaz doldurma “mərkəzi” açmışam. Uşaq yaşlarımda şüşə butulka, məktəb illərində isə telefon alıb, təmir edib satmışam. Xərcliyimi özüm qazanırdım və bizneslə, marketinqlə əslində elə o zamandan tanışam. Bununla yanaşı, məktəb vaxtlarında həm də sosiallaşmağa çalışmışam. Gənclər Evinin nəzdində olan klublarda aktiv iştirak edib, 2011-ci ildə məktəb və universitet tələbələri arasında keçirilən regional Debat Turnirində 9-cu ən yaxşı natiq seçilmişəm. Uşaqlıqdan polis olmaq istəsəm də mandat imtahanından kəsildikdən sonra 2 il əlavə təhsil alıb uşaq inspektoru olaram dediyim üçün 2014-cü ildə Qafqaz Universitetində Pedaqogika (İbtidai Sinif Müəllimliyi ixtisasına) fakültəsinə daxil olmuşam.
Universitet illərində də aktiv tələbəlik keçirmiş, klublarda, təşkil edilən tədbirlərdə icracı komandada olmuşam. İlk məqaləm Universitetin daxilindəki “Pəncərə” qəzetində yayımlanıb, universitet illərində də “Debatçılar” klubunda iştirak etmişəm.
2015-ci ildə isə Bakıdakı ilk işim YouTube-da yayımlanan “Turana Hazırlayır” verilişinin redaktorluğu olub. Eyni ildə “Headway Language and Development” tədris və inkişaf mərkəzinin təcrübə proqramına müraciət etmiş, 900 şəxsin arasından seçilən və təcrübə proqramına başlayan 9 insandan biri olmuşam. Tədbir və təlimlərin təşkili komandasında 3 ay təcrübəçi kimi işlədikdən sonra gördüyüm işlərin daha çox marketinqlə əlaqəli olmasını görən Toğrul Ələkbərli marketinq komandasında iş təklifi edib. Burada şirkətin həm ənənəvi, həm də rəqəmsal marketinq işlərini görmüşəm və fəaliyyətim 2018-ci ilədək davam edib. Həmin illərdə frilans olaraq da bir çox şirkətə sosial media dəstəyi vermişəm. Və əlimdə fürsət olsa da polis olmaq arzumdan əl çəkib, uşaqlıqdan məni həycanlandıran biznes, marketinq sahəsi üzrə davam etməyə qərar vermişəm.
2018-ci ildə ölkəmizdəki ən böyük içki və qida sektorundakı distributor şirkətlərin birində çalışmağa başlamışam. İndiyədək 25-dən çox qlobal, 40-dan çox lokal brendlə əməkdaşlıq etmişəm. 10 illik təcrübəmdə şirkətlər üçün marketinq strategiyasının yazılması, biznes və marketinq ideyalarının verilməsi, sosial media məzmunlarının hazırlanması və həyata keçirilməsi olub. Son üç ildə isə iş fəaliyyətimə fərdi konsultasiyalar, kiçik və orta sahibkarlara fərdi dərslər, qruplara online və offline təlimlər verərək davam edirəm. İndiyədək 190-dan çox şəxsin iştirak etdiyi “Lö Başla” Marafonu və 85-dən çox iştirakçının qoşulduğu “Lö Netvörkinq” görüşləri uğurla davam edən layihələrimdir.
Bununla yanaşı, sosial media platformalarında aktiv olaraq biznes, marketinq, texnologiya, süni intellekt və günlük həyatın yer aldığı məzmunlar yaradıram. 2023-cü ildən 1/4 Agency -nin qurucu ortağıyam və burada əsas işim biznesin idarə edilməsi, şirkətlər üçün influenser strategiyalarının hazırlanması və marketinqdir.
Sizi burada görməyimə şadam. Ümid edirəm ki, daha yaxından tanış olacağıq. Hələlik isə #oldusağolun
Menecer & Koordinator
Qrafik Dizayner
Fotoqraf & Videoqraf
Mətn Yazarı & Koordinator
©2024. Bütün hüquqlar qorunur.
#oldusağolun
